حكايه نيرة وسليم يارا المرشدي

خمس دقايق بس انا محتاج اتكلم مع سليم ارجوكم
لتقول ناديه
يلا احنا يا شريف ونسيبه يتكلم مع اخوه
وبالفعل غادر كلاهما ليقول سليم
في ايه يا فادي
_ نيره ملهاش ذنب يا سليم
تنهد سليم وهتف
مش عارف ايه حكايتك انت وبنت عمك بقيتوا تعيدو وتزيدو في الكلام كتير ليه !
_ ما هو انت لازم تسمع انا مش هقدر استحمل تانيب الضمير اكتر من كده مش هقدر اشوفك بټعذب نيره وهي ملهاش ذنب في اي حاجه
قالها فادي وهو ېصرخ به
هتفت نيره الي عايده
هو انتي معندكيش عيله عيال وكده يعني !
اجابتها عايده باستغراب
لا عندي بس ليه السؤال الغريب ده !
حركت كتفيها الي اعلي وهي تقول
يعني بشوف اصلك قاعده معايا ومش بتمشي خالص يعني عيالك دلوقتي قاعدين لوحدهم ازاي
ابتسمت عايده واجابتها
ولادي كلهم متجوزين يا ستي وكل واحد منهم مشغول في دنيته تقدري تقولي كده نسيوا ان عندهم ام
_ ياااربي
قالتها نيره بحزن ثم اكملت
ملهمش حق عارفه يا طنط انا لو مامتي كانت عايشه كنت هفضل طول الوقت جمبها مش هروح اي مكان هقضي يومي كله وانا قاعده جمبها ياريتها كانت عايشه
قالت جملتها الاخيره بحسره واضحه انتبهت الي سليم الذي دلف الي الشقه توءآ لتقول هي بسخريه وهي تنظر الي سليم
علي الاقل مكنتش هبقي ملطشه للي يسوي والي ميسواش
_ ويا تري انا اسوي ولا مسواش
قالها سليم وهي يجلس بجانبها لتقول هي
محدش جاب سيرتك كلام خاص بيني وبين طنط بتحشر نفسك ليه !
_ نيره فطرت يا عايده ولا لسه !
حركت راسها بالنفي قائله
لا بقالها مده مانعه كل حاجه عايشه علي الميه
_ طيب روحي جهزي الفطار لينا
هتفت نيره
جهزيه له هو انا مش هاكل اي حاجه
اشار سليم الي عايده براسه ان ترحل وبالفعل غادرت عايده ليقول سليم
كل ده علشان تنزلي الجامعه !
_لم تجيبه بشئ تناولت جهاز تحكم التلفاز ثم قامت بالضغط علي الزار وتشغيله ليقول سليم
هعمل معاكي ديل ايه رايك !
نظرت له باستفهام ليقول هو
هنزلك الجامعه وهبطل اقفل عليكي بس بشرط
_ ايوه اتفضل اتشرط اتفضل
قالتها بخنق ليقول هو
تطلعي الحب وكلام ده من دماغك تركزي في مستقبلك بس وتشوفيني ابن عمك الكبير وبس شوفيني اي حاجه انتي عايزاها ماعدا الحب والهبل ده ابوس ايدك يا شيخه طلعيني انا والحب من دماغك
_ وايه كمان !
بس مفيش حاجه تانيه قولتي ايه !
_ موافقه بس انا عايزه ارجع الفيلا تاني مش حابه قعدتي هنا
_ هرجعك الفيلا حاضر بس مش دلوقتي
اقبلت عليهم عايده ثم وضعت صنيه الطعام علي الطاوله ليقول سليم
اظن كده نفطر سوا صح !
ابتسمت له نيره ثم حركت راسها بنعم
_
هتف الي فرح التي تقف في الشرفه
معرفش فجاه اتغير كده وقالي انه مش هيحبسني تاني واني انزل الجامعه احضر
_ جميل انا دعيتلك كتير والله ان ربنا يهدي اخوكي عليكي
ابتسمت لها نيره ثم قالت
سليم اداني فلوس وقالي انزل اشتري بيهم لبس للجامعه واي حاجه انا محتاجها ينفع تيجي معايا !
_ اه طبعا من عنيا اديني ربع ساعه كده ابلغ ماما واجهز
حركت نيره راسها بالموافقه
ثم دلفت الي الداخل وبدات في تبديل ملابسها نظرت الي هيئتها في المراه وهتفت
سليم لو شاف اللبس ده مش هيعجبه ويقول عريان
زفرت بقوه ثم بدلت ثيابها تلك وارتدت شئ اخر
انتبهت الي رنين جرس الباب تناولت حقيبتها واتجهت الي الخارج لتجد عايده قامت بفتح الباب الي فرح
خلصتي ولا لسه !
قالتها فرح بتساؤل لتجيبها نيره
خلصت تمام
_ متتاخريش يا نيره علشان استاذ سليم ميزعلش منك ويرجع يقفل عليكي تاني
قالتها عايده بتنبيه لتقول نيره
حاضر
غادر الفتيات الشقه لتقول فرح
بصي اخويا هيوصلنا بالعربيه بتاعته وبعدين هيمشي
_ طب ما نروح لوحدنا ليه اخوكي !
_ هو صمم ولو كنت رفضت مكنش هيوافق يخرجني معلش يا نيره علشان خاطري
_ طيب يا ستي حاضر
اتجه كلاهما الي السياره استقل الفتيات المقعد الخلفي ليقول مازن
عايزين تروحوا فين الاول !
_ المول يا مازن وصلنا المول وامشي شوف حالك
ادار محرك السياره هاتفآ
هستناكم في العربيه لحد ما تخلصوا علشان اوصلكم
_ احنا هنعرف نروح لوحدنا
قالتها نيره باندفاع ليقول مازن وهو يحرك راسه باستغراب مزيف
بتقولي ايه مش سامع
_ بقول احنا هنعرف نروح لوحدنا سمعتها كده
قالتها نيره بصوت مرتفع ليقول مازن
ااه اه سمعت بس معلش مش هينفع انا دايما رجلي علي رجل اختي
كشرت وجهها بعدم رضا لتقول فرح بهمس لنيره
وحياتك دايما بتحايل عليه يوصلني وهو ولا بيعبرني
__________________
_ سليم انا بكلمك ارجوك رد عليا
قالها فادي برجاء وهو ينظر الي اخيه ليجيبه هو
الي انقذك مني انك متكسر مېت حته ضيعت بنت عمك يا غبي
_ وانا قولتلك اهو وحكيتلك كل حاجه لاني تعبت مش قادر استحمل كل ده لوحدي
_ ياريتك ما حكيت ولا عرفتني حاجه يا شيخ جاي تقولي دلوقتي بعد ايه الواد وهرب ومحدش عارفله طريق وصحابك طلع محدش قربلها اروح امسك في مين واحنا اصلا مش متاكدين اذا كان حازم لمسها اخر مره ولا لا ما يمكن بيشتغلك وبيقولك ملمسهاش ويكون لمسها وهي سكرانه
_ مش عارف يا سليم مش عارف بس علي اقل تعرفوا انها مظلومه وهي كمان تعرف انها مسلمتش نفسها لحد
_ ااه وتفتح علينا ابواب احنا مش قدها نيره لو عرفت انها ضحيه هتتفرعن علينا ومحدش هيعرف يلمها بعد كده ده غير بابا وماما الي عمرهم ما هيسامحوك خلي كل حاجه ماشيه زي ما هي يا فادي وتبقي فاهمه ان الي حصل غلطتها هي
ابتسم فادي ساخرآ وهو يقول
كنت فاكر لو عرفت هتقوم الدنيا
_ لو قومت الدنيا انت الوحيد الي هيتاذي نيره عمرها ما هتسامحك وهتشوف نفسها الضحيه يا حرام وبابا وماما هيقفوا في صفها وعمي مش هيسكت نيره مهما كانت بنسبالي عمرها ما هتكون اهم من اخويا انسي يا فادي كل حاجه حصلت وخلاص كده انا هخلي نيره تنزل جامعتها وتخرج براحتها وكام شهر هطلقها وهترجع الفيلا وكل حاجه هترجع طبيعي زي ما كانت
تنهد فادي باسي وهو يغمض عينيه
ليس هو فقط الندل في تلك العائله بل واخيه ايضآ
__
_ اخوكي بارد شوفي لفينا كام ساعه وهو بردو واقف بالعربيه ومستني
قالتها نيره بضيق لتجيبها فرح ضاحكه
مش عارفه تصرفاته غريبه النهارده كده ليه يلا يا بنتي نركت انا رجلي ۏجعاني مش قادره اقف
اقترب كلاهما من السياره ليقول مازن
اخيرااا
_ لما انت زهقت كده واقف ليه كنت مشيت واحنا كنا هنيجي لوحدنا عادي
حرك راسه بنفي هاتفآ
تؤ تؤ مقدرش لازم اوصلكم يلا اركبوا يا بنات
استقلت نيره السياره وصفعت الباب يقوه ليقول مازن
براحه علي العربيه من فضلك
ضغطت علي شفتيها بضيق ليقول مازن
هاخدكم في مكان لطيف كده نتعشي
_ لا شكرا مش هينفع انا اتاخرت جدا
قالها

نيره ليقول مازن
انا مش باخد اذن علي فكره
_ يا عم بطل تناحه دي انت كده تنح مش روش خالص
قالتها نيره بعصبيه ليقول مازن
شكرا لذوقك
ظل يقود السياره ثم توقف امام المنزل هبطت نيره من السياره لم تننظر فرح ثم استقلت المصعد ووصلت الي شقتها
وفي الاسفل
هتفت فرح
مش ملاحظ ان تصرفاتك غريبه النهارده !
_ ازاي !
قالها مازن بدهشه مزيفه لتقول فرح
مالك بنيره في ايه !
_ صحبتك عصبيه اووي
قالها وهو يسير برفقه فرح لتقول هي
وانت مالك مركز معاها ليه !
ليقول مازن وهو يدلف الي المصعد بابتسامه
بصراحه عينها حلوه عارفه لو كانت كبيره شويه كنت خطبتها بس يلا مش مهم استني كام سنه ايه رايك اخطبها علي سنه تالته ونتجوز بعد ما تخلص رابعه
مرت الايام وبدات نيره عامها الدراسي في الجامعه
كل شئ اصبح جيد بنسبه لها
وفي يوم ما
عادت الي المنزل ووجدت سليم في انتظارها
يخبرها انه سيقوم بانهاء الزواج بينهما اليوم
_ احنا معداش غير شهر علي جوازنا
قالتها نيره ليقول سليم
انا عايز اكتب كتب كتابي علي اشرقت وشرطها اني اطلقك يعني مش حابه يبقي حد غيري علي ذمتها
ضغطت علي يديها وهي تستمع الي كلماته تلك ليكمل هو
الطلاق هيبقي بيني وبينك مش هنعرف اي حد ولا حتي فادي وانتي هتقعدي مع عايده زي ما انتي وبعد كام شهر تانين يبقي اقول لبابا وترجعي الفيلا وياريت كمان متعرفيش صحبتك فرح دي بطلاق
هتفت هي والغصه في حلقها
فرح فاكراك اخويا متعرفش ان احنا متجوزين اتصل بالماذون يجي دلوقتي ونخلص الحكايه دي
قالتها ورحلت من امامه حتي لا يري دموعها تنهد سليم بعدم رضا هاتفآ
انسيني بقي يا نيره وريحي نفسك
انهي جملته تلك ثم اخرج هاتفه وقام بالاتصال ب الماذون
_ _ _ _ __ _ _ _ __ _ _ _ _ __ _ _ _ __ __ _ _ __ _ _ _ _ _ _ _ __ _ _ _ _ _ _ _ _ _ _ __ _ _ _ _ _ _ __ _ _
هتفت والده مازن
طيب اصبر شويه حتي تكون خلصت كام سنه من الجامعه بتاعتها
_ كنت ناوي علي كده فعلا بس انا مش قادر استني وخاېف حد يجي يتقدملها الفتره دي واخوها يوافق
_ خلاص نروح بكره لاخوها ونتقدملها بس الجواز يبقي بعد كام سنه
ليقول مازن
اه اكيد
نهضت من مكانها عندما وصل اليها صوت رنين الباب لتجد فادي امامها ابتسمت بسخريه وهي تقول
ياااه لسه فاكر
قالتها وتحركت من امامه ليقول فادي
مين الي مفروض يسال علي التاني ! انا بقالي كام يوم مرمي في المستشفي ومفكرتيش حتي تيجي تبصي عليا بصه
_ مستشفي ليه حصلك ايه
_ حاډثه بالعربيه يعني متعرفيش
حركت راسها بالنفي قائله
معرفش اي حاجه والله سليم مقاليش
_ لو بتسالي كنتي هتعرفي
ابتسمت رغم عنها وهتفت
انتو كلكم کرهتوني قولت كده احسن خليني بعيد
_ محدش كرهك احنا بس زعلانين عليكي ومنك
_ غلطت يا فادي غلطه وهدفع تمنها العمر كله
قالتها بحسره واضحه ليقول فادي
المهم طمنيني عليكي اخبارك ايه
_ تمام كويسه بروح الكليه واجي من الكليه وليا صاحبه اسمها فرح ساكنه جمبي وبلكونتها لازقه في البلكونه بتاعتها بنروح سوا الكليه وبنفضل واقفين في البلكونه بالساعات نرغي واخوها رخم اوي كل دقيقه يرخم علينا
ابتسم فادي وهتف
مبسوطه
اومات راسها بالايجاب هاتفه
اه يعني كل حاجه تمام وسليم جايب واحده تقعد معايا اسمها طنط عايده لطيفه خالص معايا وطيبه
_ مفيش حد طيب غيرك يا نيره
قالها بحزن واضح لتقول نيره
متعرفش كتب كتاب سليم امته !
_ سليم كتب كتابه من اسبوع
اسبوع !!!!
قالتها بدهشه كبيره ليقول فادي
ازاي متعرفيش
ضحكت بالم وهي تهتف
سليم جاب الماذون النهارده الصبح يطلقنا قالي انه عايز يكتب علي اشرقت وشرطها انه لازم يطلقني
_ لسه بتحبيه يا نيره
_ ياريت كنت اقدر اخرجه من قلبي وانساه
_ سليم ميستاهلش حبك ده والله ما يستاهلك ده ندل وواطي
_ حرام عليك متقولش عليه كده سليم احسن واحد في الدنيا اه وجعني كتير اووي بس ڠصب عنه محدش بيقدر يتحكم في قلبه
ثم تابعت بتحذير
اوعي تعرف طنط ولا عمو بالطلاق
_ _ _ _ _ __ _ _ _ _ _ _ _ __ _ _ _ _ _ __ __ _ _ _ _ _ _ _ _ _ _ _ _ _ _ _ _ _ _ _ _ _ __ _ _ _ _ _ _ __ _ _ _ _ _ _ _ _ __ _ __ _ _ _ _
وفي صباح اليوم التالي
وجد سليم رقم ما يقوم بالاتصال به قام بالرد باستغراب
انا مازن جاركم واخو فرح صاحبت الانسه نيره
_ اه اهلا وسهلا
_ كنت عايز اجيب ولدتي ونيجي نطلب ايد الانسه نيره منك والجواز هيكون في الوقت الي انت عايزه
بس يبقي دلوقتي خطوبه
_ والله هو انا معنديش مانع خالص بس المشكله ان الانسه نيره دي تبقي مراتي
_ مراتك !!!!
_ _ _ _ _ _ __ _ _ _ _ _ _ _ _ _ __ _ _ _ __ _ _ _ _ _ _ __ _ _ _ _ _ __ _ _ _ _ __ _ _ _ _ _ __ _ _ _ _ _ __
دلف الي المنزل پغضب ليجد نيره تجلس علي الاريكه وفي يديها كتاب ومن الواضح انها تذاكر
هتف بعصبيه
هو انا مش قولت الحب وكلام الفاضي ده يطلع من دماغك !! بردو مفيش فايده ارجع احبسك تاني واقفل عليكي علشان ترتاحي
_ طلعته يا سليم طلعته
قالتها هي ليقول هو
وعلاقتك باخو صحبتك ده ايه وطبعا بتوقفوا ترغوا مع بعض في البلكونه انا غلطان وثقت في واحده زيك
_ مفيش علاقه هو ساعات بيوصلنا انا وفرح الجامعه لو دخلت البلكونه ولقيته واقف بسلم عليه اخبارك وتمام وبس مفيش حاجه تانيه تبع الحب والكلام ده
صړخ بها هاتفآ
انتي خلاص بقيتي واحده بتاعه رجاله متقدريش تعيشي حياتك من غير راجل ان مكنش سليم يبقي حازم مكنش حازم يبقي مازن
تجمعت الدموع في عينيها وهتفت
ربنا يسامحك
_ ملكيش خروج من البيت تاني والبلكونه دي انا هقفلها خالص
_ ملكش الحق قبل كده كنت مراتك لكن دلوقتي لا ملكش الحق تحبسني تاني
قالتها هي باكيه تجاهل سليم كلماتها تلك ثم اتجه ناحيه الغرفه

اما هي نظرت حولها بتفكير ثم تناولت هاتفها وخرجت من الشقه وتركب الباب مفتوح
وفي طريقها وجدت مازن امامها اشاحت بوجهها بعيدآ عنه واكملت طريقها ولكنه اوقفها وهو يقول ساخرآ
اخبار جوزك الي هو اخوكي ايه
التفتت اليه قائله
انا كنت هقولكم بس ملقتش فرصه مناسبه
_ ومالو
_ احنا اصلا متجوزين من مده قريبه يعني
_ اه لما العريس طفش يوم كتب كتاب وبعت صورك وانتي سوري يعني
كشف سليم امرها امام مازن !!! كيف يفعل بها هذا ليقول مازن
انا سالت عليكي براه وعرفت تاريخك الزباله كله كان مفروض اعمل كده قبل ما احبك بس اتخدعت فيكي
_ ان
قاطعها مازن بانفعال
اتخدعت في شكلك وبرائتك اسمعي من اللحظه دي ملكيش دعوه بفرح اختي انتي فاهمه
قالها ورحل من امامها اما هي تحركت پصدمه كل شئ اخفته ظهر
بعثت بهاتفها ثم قامت بالاتصال بفادي وهتفت باكيه
الحقني يا فادي
_ _ _ _ _ __ _ _ __ _ __ _ _ _ _ __ __ _ _ _ _ _ _ __ _ _ _ __ _ _ _ __ _ _ _ _ _ _ _ __ _ _ _ _ __ __ _ _ _
انتهي سليم من اغلاق الشرفه ثم خرج ليجد باب الشقه مفتوح وهي ليست موجوده هتف سليم بانفعال
يعني كان لازم يا عايده تنزلي النهارده
خرج من الشقه ثم اتجه الي شقه مازن طرق الباب بقوه وعندما ظهرت امامه فرح ازاحها من امامه ودلف الي الشقه هاتفآ
نيره فين
ليقول مازن
ايه ده انت ازاي تتهجم علي بيوت الناس كده
_ هي كلمه واحده نيره فين
قالها وهو يدور في الشقه ليقول مازن
منعرفش يا بابا روح دور عليها في مكان تاني
_ لو عرفت انها عندك مش هيحصل كويس
قالها ورحل لتقول فرح
هو اخوها مالو في ايه !
_ اخوها ايه بقي ده البيه يبقي جوزها
قالها ساخرآ
_ __ _ __ _ _ _ _ _ _ __ _ _ _ _ _ __ _ _ _ _ __ _ _ _ _ __ _ _ _ _ __ _ _ _ _ _ _ _ _ _ _ _ _ __ _ _ __ _ _ _ _ _ _ _ _ _ __ __ _ _ _
وصل فادي اليها ثم ذهب كلاهما الي كافيه ما اخبرته بكل شئ حدث وهتفت
اخته صحبتي الوحيده مليش غيرها هيبعدها عني يا فادي وهرجع لوحدي تاني وسليم هيرجع يقفل عليا ويحبسني
بكت وهي تقول
يارتني ما قابلت حازم انا غبيه ضيعت نفسي وشرفي كنت قاعده وسطكم في الفيلا وطنط وعمو معايا دلوقتي بقيت ملطشه لسليم وعمو وطنط لو روحتلهم محدش منهم هيسامحني خلاص هما كرهوني
اغمض عينيها وفتحها مره اخري وهتف
انا مش هقدر اشوفك پتتعذبي اكتر من كده وعلي حاجه انتي معملتهاش
ثم تابع بتنهيده
انتي مسلمتيش نفسك لحد ولا غلطتي حازم لمسك يوم عيدميلاد لما روحنا سوا
حركت راسها بعدم فهم وصدمه ليقول فادي
حطلك منوم في العصير وانا شربني كتير لحد ما سكرت ومحستش بنفسي واول ما دوختي خدك اوضته هو وخالد ويوسف صوروكي الصور الي اتبعتت للمعازيم بس محدش منهم لمسك مټخافيش هو حازم بس ولما فوقت وعرفت خۏفت من سليم وماما وبابا خۏفت منهم لاني محافظتش عليكي
بس بعدين مقدرتش استحمل احساس الذنب مقدرتش اعيش بيه حكيت لسليم وعرفته كل حاجه وهو طلع اوطي مني قالي نيره لو عرفت حاجه زي كده هتتفرعن علينا وتشوف نفسها ضحيه وابوك وامك مش هيسكتوا ملكيش حظ في اي حد من اهلك يا نيره ملكيش حظ
قال جملته الاخيره بحسره واضحه
نهضت من مقعدها بهلع واضح ليقول فادي
حازم كان عايز ينتقم مني وخلص انتقامه ده فيكي انتي
حركت راسها بالنفي وجسدها يرتعش والدموع ټغرق وحنتيها ثم ركضت من امامه
__ _ _ _ _ _ _ __ _ _ __ _ _ _ _ _ _ _ __ _ _ _ _ _ _ _ _ _ _ _ __ _ _ _ _ _ _ __ _ _ _ __ _ _ _ _ _ _ _ _ _ _ __ _ _ _
ظلت تسير وهي لا تشعر ب اي شئ حولها ولا بموقعها فقط تسير وتفكر
تذكرت عندما استيقظت من نومها وهي تشعر بالالم في جسدها وعندما وجدت بقعه الډماء في ثيابها
اصرار فادي ان يذهب كلاهما الي المختبر لاجراء التحليل
اصراره ان تذهب الي الطبيبه
كل شئ حدث مر امامها جلست علي الارضيه وتنفست بقوه تشعر بنفاذ الاكسجين حولها وضعت يديها علي قفصها الصدري وتتنفس بقوه
حكيت لسليم وعرفته كل حاجه وهو طلع اوطي مني قالي نيره لو عرفت حاجه زي كده هتتفرعن علينا وتشوف نفسها ضحيه وابوك وامك مش هيسكتوا
رنت في اذنيها كلمات فادي تلك وضعت يديها علي اذنيها حتي تمنع ذلك الصوت
_ مالك انتي كويسه !
قالها شخص ما وهو ينحني الي مستواها ابتعدت عنه ثم نهضت من مكانها وركضت بقوه
وقفت امام شقه فرح ثم طرقت الباب بقوه وسقطت بجانب الباب قام مازن بفتح الباب ليجد نيره علي الارضيه وجهها شاحب وممتلئ بالعرق بالاضافه الي صدرها الذي يعلو ويهبط بقوه وصوت انفاسها المرتفع
انحني الي مستواها هاتفآ
نيره
وجد جسدها ينتفض باكمله حملها برفق بين ذراعيه ثم دلف بها الي داخل الشقه وهتف الي والدته وفرح
اطلبوا اي دكتور يجي بسرعه يشوفها جسمها بيتنفض وبتتنفس بالعافيه
وضعها علي الفراش هتفت هي بصوت ضعيف وبصعوبه وبرعشه
انا بردانه بردانه اوي بردانه
وضع عليها الغطاء تمسكت هي به بقوه وهتفت برعشه
لسه لسه بردو بردانه بردانه
احضر لها غطاء اخر ثم وضعه عليها واخبرته انها مازلت تشعر بالبرد
اقتربت منها فرح هاتفه
يا بنتي انتي جسمك كله سخن بردانه ازاي
_ انا بردانه يا فرح بردانه جسمي عريان عريان وكله شافه كله يا فرح
قالت جملتها الاخيره برعشه وهي تبكي واكملت
غطيني يا فرح غطيني انا عريانه
احضر مازن غطاء اخر ووضعه عليها ضمت الاغطيه علي جسدها لتقول فرح
لسه بردانه يا نيره !
حركت راسها بنعم لتقول والدت مازن
لالا مش هينفع كده انا هروح اكلم الدكتور استعجله
_ كلهم ظلموني يا فرح كلهم ظلموني
قالتها هي باكيه لتقول فرح
اهدي بس يا نيره وفهميني حصل ايه
رنت في اذنيها كلمات سليم الذي يخبرها بها دايما وانها مذنبه سلمت نفسها الي حازم وتسببت بفضيحه للجميع
وفي النهايه اصبح سليم يعلم كل شئ وانها ليست مذنبه !!!
وضعت يديها علي قلبها بقوه وصړخت متالمه
انتهي الطبيب من فحصها ثم اعطاها ابره مهدائه جلست بجانبها علي الفراش هاتفه
سلامتك يا نيرو
سقطت الدموع الحبيسيه في عينيها وهي تتذكر كلمات فادي تلك ثم اغمضت عينيها وراحت في النوم لتقول والدته
اتصل بجوزها

عرفه انها عندنا
حرك راسه بنعم ثم تنهد وهو ينظر الي تلك النائمه
جذبه من قميصه هاتفآ بعصبيه
انت اټجننت ازاي تعرفها !! وكمان قولتلها اني عارف !!!
ليقول فادي
يا اخي مش قادر استحمل مش قادر شايفها پتتعذب وبتحمل نفسها حاجه هي معملتهاش اخو صحبتها عرف بموضوع الصور وهيحرمها من صحبتها حياتها بتدمر وهي ملهاش ذنب
ثم اكمل وهو ېصرخ به
انت عارف ان نيره معملتش حاجه وبتحسبها وكل شويه تعايرها
_ نيره ماشيه مع اخو صحبتها وعايشه قصه حب الاستاذ كلمني نهارده وطلب ايديها مني
قالها سليم بعصبيه ليقول فادي
مليش دعوه بكل ده انا الي يهمني نيره وبس
انتبه سليم لصوت هاتفه ترك فادي ثم تناول هاتفه وقام بالرد ليجد مازن يخبره ان نيره موجوده عنده
_____________________
يجلس بجانبها ينتظر افاقتها هتف بقلق وهو ينظر الي فرح
هي حالتها كانت مستاهله حقنه مهدئه
اجابه مازن بجمود
اه
ضغط سليم علي يديها برفق لتقول فرح
هو سؤال محيرني معلش يعني لما انتو متجوزين ليه نيره قالت انك اخوها وليه انت كنت بتحبسها دايما
_ معلش اعذريني بس معنديش اجابه ل اسئله دي لاني معرفش
فتحت نيره عينيها ثم زاغت بعينيها علي الجميع حتي وقعت عينيها علي سليم
اعتدلت في جلستها بتعب وجذبت يديها ليقول سليم
بقيتي احسن
اشاحت بوجهها بعيدآ عنه ليقول هو
تقدري تتحركي دلوقتي ونروح البيت
اغمضت عينيها بنفاذ صبر ثم نفخت بضيق لتقول فرح
نيره انتي كويسه !
_ خليه يمشي انا مش عايزه اشوف وشه مش عايزه
قالتها صارخه ليقول سليم
خلاص يا نيره مش هقفل عليكي تاني واي حاجه عايزاها هتحصل
صړخت وهي تضع يديها علي اذنيها
مش عايزه اسمع صوتك ولا اشوف وشك غور بقي
لتقول والده فرح
معلش يا ابني سيبها تقضي الليله دي معانا
_ ممكن تسيبوني معاها خمس دقائق بس
قالها سليم
رحل الجميع من الغرفه ثم اغلق مازن الباب خلفهما ليقول سليم
فادي عرفني متاخر حازم وسافر هجيبه منين! لو كنت عرفت قبل كده اكيد مكنتش هسكت وبعدين انتي الي بداتي كل ده صممتي تروحي عيدالميلاد مع فادي وادي نتيجه حازم خدرك واعټدي عليكي وصورك وهو وصحابه ونشر الصور علشان ينتقم من فادي
_ هو المفروض انتو عيلتي صح!
تنهد بنفاذ صبر وهتف
مفيش حاجه كانت في ايدي اعملها عايزاني اروح اقول لبابا يعني علشان ېقتل فادي ولا اعمل ايه !! انتي الي بداتي كل ده بلاش تعيشي دور الضحيه ولسه محرمتيش رايحه تمشي مع اخو صحبتك
نهضت من الفراش وهتفت
انا عايزه ارجع الفيلا مش هعيش في الشقه دي لوحدي
_ فرحي علي اشرقت بعد اسبوعين ابقي اقولهم مش هينفع اسيبك لوحدك في الشقه
صړخت هي
عايزه اروح النهارده انا مش هستني اسبوعين
يااما هروح لوحدي واقولهم كل حاجه
ضغط علي شفتيه بضيق وهتف
خلاص هاخدك بس بكره الوقت اتاخر دلوقتي
_ دلوقتي يا سليم ومتخافش مش هعرفهم انك طلقتني
وفي الخارج يقف كلآ من مازن وفرح يستمعون لما يحدث خلف الباب
هتفت فرح بهمس
كل ده حصل فيها مسكينه بجد
اما مازن استطاع الان ربط كل شئ ببعضه البعض وفهم ما حدث
دلف كلاهما الي الفيلا والجميع جالس شريف وناديه وفادي ايضآ
هتف سليم
نيره هتقعد هنا لاني هتجوز اشرقت بعد اسبوعين ومش هينفع تقعد لوحدها في الشقه
نظر فادي الي الارضيه عندما وجد نيره مصوبه عينيها عليه لنقول ناديه
مالك يا نيره وشك اصفر كده ليه !
_ هتتكلم انت يا فادي ولا اتكلم انا !!
رفع فادي عينيه ونظر لها وقلبه سقط باكمله هو وسليم ليقول شريف
يتكلم علي ايه !
_ اساله يا عمو يتكلم علي ايه اساله وخليه يجاوبك
قالتها والدمعه تلمع في عينيها ليقول سليم
يلا يا نيره اطلعي ارتاحي انتي اعصابك تعبانه بقالها كام يوم
قالها وهو يجذبها من يديها لتزيح هي يديه هاتفه بانفعال
وانت كمان اتكلم اتكلموا كلكم يلا قدام عمو وطنط اتكلموا
_ في ايه يا نيره !
قالها شريف بقلق لتقول نيره
عيالك الاتنين يا عمو طلعوا احقر من بعض
_ نيره
قالها سليم بعصبيه لتهتف هي الي فادي
هتكلم انت يا فادي ولا اتكلم انا !!
وعندما وجدت فادي ينظر الي الارضيه بصمت وحسره هتفت هي
يبقي هتكلم انا لانك جبان
_ انت بتحب نيره ولا مجرد اعجاب
قالتها فرح بتساؤل ليجيبها مازن
حب ولا اعجاب مش هتفرق صحبتك طلع وراها مصايب الدنيا
_ بس ملهاش ذنب في حاجه يعني
تنهد وهو يقول
عارف يا فرح
_ واهي طلع سليم ده مطلقها اصلا يعني ممكن تتقدملها تاني وو
قاطعها مازن هاتفآ
نيره مبقتش تلزمني دلوقتي سوري يعني بس انا ماخدتش واحده بوضعها انتي متخيله لو جه عريس لبنتي وسالو عليها هيقولو ايه يا عم دي امها زمان عريسها طفش واتوزعت صورها وهي عريانه علي معازيم ولو ابني بردو راح اتقدم لواحده هيسالوا عليه ونفس النتيجه يعني هجيب عيال اعذبهم طول عمرهم علي ايه علشان شويه حب !!
_ بس هي ملهاش ذنب الي حصلها كان ڠصب عنها ولحد ما عيالك يكبروا ويتجوزوا الناس هتكون نسيت
_ الناس مش بتنسي يا فرح محدش بينسي
صفع شريف فادي ليقول فادي والدموع في عينيه
انا كنت هتجوزها والله
كاد ان يصفعه مره اخري ولكن منعه سليم وهو يقول
خلاص يا بابا
ما ان انهي سليم جملته وجد شريف يصفعه بقوه هاتفآ
وانت يا كبير اخوك يجي يعترفلك بغلطه تقوله متعرفش حد علشان نيره متتفرعنش علينا !
_ انت بتمد ايدك عليا علشان البت دي !!
قالها سليم بعصبيه ليقول شريف وهو يرفع يديه مره اخري عليه
واكسرك كمان علشانها
_ والله الهانم مش بريئه اووي راحتله الفيلا بمزاجها
قالها هو بانفعال لتقول نيره صارخه
انت السبب في دي انت السبب
_ ليه يا اختي انا الي قولتلك روحيله ! والاستاذ مازن بقي الي كنتي ماشيه معاه ده بردو انا السبب !!! بنت اخوك بتاعه رجاله يا بابا مبتعرفش تقعد لحظه واحده من غير راجل في حياتها في الاول كنت انا تدخل اوضتي وتقعد علي سريري وتتكلم المهم تدور علي اي مكان مقفول يجمعنا ملقتش مني فايده راحت لحازم وبعدين مازن
وضعت يديها علي اذنيها وهي تقول باكيه
بس بقي بس مش عايزه اكرهك اكتر من كده حرام عليك بس
_ ااه ما انتي متقلبيش بابا علينا وتطلعي انتي الملاك
قالها سليم بعصبيه واضحه ليقول شريف بحسره واضحه
يا خساره تربيتي فيكم
_ علي فكره انا طلقت نيره
قالها سليم ورحل لتقول نيره
كلكم ناس ظالمه كلكم
قالتها وركضت الي غرفتها ثم اغلقت الباب خلفها بالمفتاح
رفع شريل نظره الي فادي الذي يقف والخۏف عي وجه وهتف
عملت ايه في حازم علشان ينتقم منك الاڼتقام ده
_ معملتش حاجه شويه مشاكل ما بينا
صړخ شريف به
ايه هي المشاكل دي نوعها ايه يعني علشان ينتقم في شرفك !
_
بعد مرور اسبوعين
منذ اخر لقاء بينهما وهي في غرفتها لا تتحدث مع احد

فقط تستذكر دروسها بعدما ذهبت الي الشقه واحضرتهم وتذهب الي الجامعه وتعود حتي فرح ابتعد عنها ورفضت التحدث معاها وكلما حاولت فرح التحدث والاتصال بها صدتها هي
اصبحت لا تريد احد في حياتها
حاول شريف وناديه التحدث معها ولكنها رفضت ذلك
واليوم حفل زواج سليم رفض والده الحضور اما ناديه لم تستطيع تركه في يوم مثل هذا بمفرده
برغم حزنها من ابنها بسبب ما فعله ولكن مهما حدث فهو ابنها
يجلس فادي علي طاوله بمفرده ويراقب سليم بسخريه الذي يرقص مع اشرقت ولا يهمه اي شئ
_ هموم الدنيا كلها فوق راسك ليه بس يا فادي !
قالتها مريم وهي تجلس بجانبه وعلي شفتيها ابتسامه ساخره ليقول فادي
مش ناويه تسامحيني يا مريم
حركت راسها باسف مزيف هاتفه
لاسف لا
_ يلا جات عليكي هي خربانه من كل ناحيه
قالها بحسره ثم تابع وهو يتناول الكوب الذي امامه
نيره عرفت كل حاجه ومبقتش طايقه تبص في وشي تصوري بقف قدام اوضتها بالساعات واتحايل عليا تفتحلي تسمعني بس تعرف ان الي حصل كان ڠصب عني واني حاولت مخليهاش تحس بحاجه واحل كل حاجه والله حاولت يا مريم
وعندما وجد صمت مريم هتف
عارف انك شمتانه فيا من جواكي وفرحانه وانتي شايفاني مكسور قدامك كده انتي حتي مش هاين عليكي تسامحيني
_ انت سړقت احلامي ودمرتها مش هقدر اتجوز ولا اعمل عيله هفضل طول عمري كده
_ خلينا نتجوز مده وهطلقك بعدها هيبقي معاكي قسيمه طلاق تقدري تتجوزي وتعملي عيله
ثم تابع برجاء
سيبني يا مريم ارجعلك احلامك الي انا سرقتها ودمرتها
_
_ انا عايزه اروح اعيش عند بابا
قالتها نيره بجمود وهي تنظر الي شريف ليقول هو
مراد مش هيوافق يا بنتي ومعاملته ليكي مش هتكون كويسه
ابتسمت بسخريه وهتفت
حتي انت كمان مش عايزني اعرفه اني مظلومه هو انا كنت مخدوعه فيكم كده ازاي
حرك راسه بالنفي وهو ينهض من مكانه
لا يا نيره لا مش كده بس انا عارف ابوكي كويس مش هيصدق كلام ده وهيفكترنا بنداري عليكي
_ هحكيله كل حاجه يصدق ميصدقش براحته المهم اني امشي من البيت هنا لاني مش طايقه اعيش مع عيالك مش قادره
_ حاضر يا نيره هحاول اقنع مراد ياخدك عنده ولو عايزه اطرد فادي هعملها
ابتسمت رغمآ عنها وهتفت
لا وتطرد ابنك الي من دمك علشان بنت اخوك !
_ انتي بنتي زي ما هما ولادي قوليلي عايزه ايه واعملهولك
_ امشي من هنا ممكن ! عايزه ابعد
_ لا انا ولا ناديه نقدر نعيش من غيرك ربنا يعلم الفتره الي فاتت كنا هنتجنن عليكي زي مع اننا كنا زعلانين منك
_ متكدبش عليا محدش عايزني في الدنيا دي انا وجودي غلط غلط عند الكل
قالت جملتها الاخيره باكيه ضمھا شريف الي احضانه وهتف
انا وناديه عايزينك وحقك هجبهولك والله العظيم هجبلك حقكك لحد عندك
دلفت الي العياده الطبيه التي احضرها بها فادي من قبل انتظرت دورها وعندما دلفت الي غرفه الطبيبه رحبت بها الطبيبه لتقول نيره
انتي ازاي دكتوره ودرستي طب !
تسائلت الطبيبه باستغراب لتقول نيره
ازاي دكتوره ولما اجي اكشف عندك متعرفيش ان الاعراض الي عندي بسبب اعتداء ازاي متعرفيش حاجه زي كده ازاي
قالت جملتها الاخيره بانفعال لتقول الطبيه
لا كنت عارفه ابن عمك جه عندي قبل ما يجيبك وحكالي علي كل حاجه وكان خاېف تطلعي حامل
_ حتي انتي دي كل ناس عارفه بقي الا المغفله انا
قالتهز پصدمه لتقول الطبيبه
وعدني انه هيلاقي حل بعد ما تخلصي الثانويه بتاعك وكتب ليا كل الي حصل بخط ايده ومضي كمان وبطاقته انا صورتها ولو كان مظهرش بعد شهر كنت هبلغ عنه
_ وهو جالك بعد كده
اومات الطبيبه راسها بالايجاب وهتفت
اه وقالي انك اتجوزتي ابن عمك وشوفت بعيني عقد الجواز
ابتسمت نيره ساخره وهتفت
مبلغتيش ليه من اول ما عرفتي او حتي كنتي عرفيني قوليلي
_ ابن عمك وعدني انه يحل كل حاجه وعلي عموم لو عايزه تبلغي انا لسه عندي الورقه الي بخط ايده
قالتها واخرجت الورقه من الدرج وهتفت
اعتراف اهو بخط ايده
تناولت نيره تلك الورقه منها ثم نظرت اليها وبدات تقرا المكتوب
دلفت الي الغرفه الموجود بها ليعتدل هو من الفراش وهتف بخضه
نيره
القت الورقه امامه والدموع في عينيها وصاحت به
مش حازم بس الي لمسني دول صحابك كلهم كلهم يا فادي
حرك راسه بنفي بعدما تنارل الورقه
لا ده في الاول لما روحت لدكتوره كنت فاكر كده وبعدين هما قالولي الحقيقه وان حازم بس الي عملها
ضحكت وسط دموعها وقالت
ما لازم يقولوا حازم الي عملها ويطلعوا منها
اقترب فادي منها قائلا
لا صدقيني حازم الي عملها يوسف وخالد معملوش حاجه
ازاحته بيديها وهتفت
يااخي حسبي الله ونعمه الوكيل فيك دمرتني وډمرت حياتي ومش عارفه جسمي ده كام واحد لمسه حسبي الله ونعمه الوكيل فيك يا فادي حسبي الله ونعمه الوكيل فيك انت وشله الزباله بتاعك ياااارب انا مليش غيرك يارب
انهت جملتها تلك وظلت تبكي ليقول هو بحزن علي حالتها تلك
والله هما قالوا ان محدش لمسك غير حازم
_ في ايه يا نيره !
قالها شريف الذي دلف للتو الغرفه ليجيبه فادي بتوتر
مفيش حاجه يا بابا
هتف شريف بجمود
محدش وجهلك كلام علشان ترد
ثم تابع بتساؤل وهو ينظر لنيره
حصل ايه
تناولت الورقه وناولتها الي شريف هاتفه
مش حازم بس يا عمو مش حازم بس دول الشله كلها بتاعته
_ يا نيره يوسف وخالد معملوش حاجه
قالها فادي پخوف وهو ينظر الي والده الذي يقرا تلك الورقه
انتهي فادي من القراءه ثم قال
جبتي منين الورقه دي !
_ كانت كاتبها للدكتوره الي خدني اكشف عندها علشان يتاكد اذا كنت حامل ولا لا خاف الدكتوره وهي بتكشف عليا تقولي الي حصل راح اتفق معاها وكتبلها الورقه دي وقالها في خلال شهر لو محلتش كل حاجه بلغي عني
_ طيب مستنيه ايه ! يلا نروح نبلغ وهما بمعرفتهم يوصلوا لكل حاجه
قالها شريف ليقول فادي پصدمه
انت بتقول ايه يا بابا انا كده ممكن اروح في الرجلين وهما كمان ملهمش دعوه محدش عملها غير حازم وده خرج براه مصر محدش هيعرف يوصله
_ والله النيابه تتصرف بمعرفتها معاكن يلا يا نيره
_ هتسجن ابنك يا بابا !! انا كتبت الورقه دي لاني كنت عايز اطمن علي نيره كنت خاېف تتطلع حامل
كاد ان يجيب شريف ولكن اوقفه صوت نيره وهي تقول
متخافش يا فادي انا مش هبلغ اصلا
ثم تناولت الورقه وقامت بتمزيقها قائله
وادي الورقه عند اذنكم
قالتها ورحلت من امامهم ليقول شريف باحتقار
اخص علي دي خلفه
رحل شريف خلف نيره واقفها قائلا
انتي مش عايزه حقك يرجعلك بلغي ورجعي حقك انا معاكي وفي ضهرك
محت دموعها وهتفت
مش كفايه فضحيه الصوره كمان هعمل فضحيه جديده وحقي هيجي من مين حازم براه ومحدش هيعرف يوصله زي ما

قال فادي وصحابه انكرو كل حاجه
_ لو خاېفه علي فادي انا ابوه بقولك بلغي الي زي ده يستاهل القتل
_ ملهوش لازمه كل حاجه راحت
قالتها ورحلت الي غرفتها وجدت هاتفها يرن تناولته لتجد فرح وتلك المره العشرون ترن عليها اليوم
لم تجيبها كالعاده
وصلت اليها رساله منها هاتفه
ردي بقي يا نيره يعني لا بتكلميني موبيل ولا في جامعه كل ده يعني علشان اتصلنا بسليم لما كنتي تعبانه !!
ابتسمت نيره ساخره ف فرح لا تدري بشئ
وعندما وجدت اتصال اخر من فرح قامت بالرد عليها ليصل لها صوت فرح وهي تقول بلهفه
اخيراا يا بنتي
_ عايزه ايه يا فرح بترني عليا ليه قولتلك انا مش عايزه اعرف حد مش عايزه اكلم حد سيبيني في حالي
انهت جملتها تلك ثم قامت بانهاء المكالمه
نظرت فرح الي شاشه هاتفها بحزن ليقول مازن
قفلت في وشك ولا ايه !
تنهدت فرح هاتفه
نيره نفسيتها مدمره علي الاخر
_ هتاخدلها فتره وتنسي المهم انا مش عايزك تعرفيها تاني البت دي وراها مشاكل كتير وسمعتها مضړوبه اساسا ومشيتك معاها هتخلي الناس تفتكرك زيها
_ هي معملتش حاجه يا مازن اصلا
زفر مازن بقوه وهتف
الناس متعرفش كده ومش هعيد كلامي كتير واحاول اقنعك هي كلمه نيره متعرفهاش تاني ورقمها يتمسح من عندك فاهمه !
_
_ هو اونكل شريف هيفضل زعلان منك كده كتيير !
قالتها اشرقت وهي تجلس بجانب زوجها ليقول هو
حاولت معاه كتير مفيش فايده كله من نيره ربنا يسامحها
_ ما تحكيلي يا سليم ايه سبب خناقكم انت قولتلي مش بسبب انك طلقتها
_ ده حوار كبير وملهوش اي تلاتين لازمه نوجع دماغنا ليه بنيره ومشاكلها واحنا في شهر العسل !
ابتسمت اشرقت وهتفت
يعني بعد شهر العسل هتحكيلي
_ هفكر
قالها وهو يميل ناحيه خديها ويطبع قبله علي خديها لتضحك هي
بعد مرور اربع اعوام
انتهت من دراستها
اصبحت حياتها في غرفتها فقط لا تخرج منها الا نادرآ انا تقوم بكتابه شئ في دفترها ياما تقف امام المرآه تتحدث مع نفسها
اما فادي منذ اخر حديث دار بينهما وهي لا تتحدث معه
تناولت الدفتر الخاص بها الموجود اسفل الوساده ثم قامت بفتح احدي الصفح البيضاء وقامت بكتابه
_حياتي بتمشي بس انا واقفه في مكاني اربع سنين كل الي حواليا حياتهم بتمشي سليم خلف بنت وعايش حياته مرتاح ومبسوط بس انا مشفقه عليه لان البنت دي بكره وبعده هتردله الي عمله فيا وهتجيب حقي منه
وفادي كمان نسي كل حاجه حصلت وبقي عايش حياته عادي جداا ولا كانه دمرلي حياتي
حتي عمو وطنط بقوا يتعاملوا عادي جدا مع سليم وفادي ونسيوا كل حاجه
كل الي حواليا نسيوا وكملوا حياتهم بس انا منسيتش وعمري ما هنسي ولا هسامحهم وحقي هيجيلي لحد عندي انا متاكده من ده
عمري ما هغفرلهم عمري
اغلقت ذلك الدفتر الذي تتحدث معه يوميآ
فهي ليس لديها احد تفصحي له عما بداخلها سؤي ذلك الدفتر
نهضت من مكانها ونظرت الي هيئتها بالمرآه اختفت ملامحها واصبحت باهته لم تعد نيره التي كانت من قبل لم تعد بالاضافه الي وزنها الذي فقدته
ابتسمت وهي تهتف بداخلها
بقيتي عامله زي شماعه ومتعلق عليها هدوم
انتبهت الي صوت ناديه التي دلفت الي الغرفه وهتفت
بقالي ساعه بكلمك وانتي سرحانه في المرايه !!
التفتت اليها نيره وقالت
معاكي يا طنط
_ في عريس متقدم لعمك وقالي اطلع اخد رايك
ضحكت وهي تهتف
عريس ! حلوه دي انا يجيلي عريس طب ازاي ! وعمو عايز ياخد راي علي اي اساس هما الاربع الي عدوا نسوكم الي حصل ولا ايه !
تنهدت ناديه وهي تهتف
محدش نسي يا نيره بس الي اتقدملك طلع عارف كل حاجه وموافق
قطبت بين حاجبيها هاتفه
عارف ازاي !
_ معرفش بيقول انه يبقي اخو صحبتك
رددت هي بصوت هامس
فرح
_ مازن مين الي تجوزه ليها دي كانت ماشيه معاه وهي مراتي
قالها سليم بعصبيه ليقول شريف
اخرس اياك تتكلم كده علي بنت عمك الراجل عارف كل حاجه حصلت ليها وموافق حرام عليك تسيبها تعيش حياتها كفايه الي عملتوا فيها انت واخوك
_ ماهي عايشه حياتها اربعه وعشرين قراط عايزه ايه اكتر من كده
_ عايزه يبقي عندها عيله وبيت يا سليم مش معقوله هتقضي عمرها كله في الاوضه فوق
_ الي يريحك اعمله بس انا مليش دعوه ب اي مصېبه تحصل بعد كده
ليقول شريف ساخرآ
لا حمش يا واد ده علي اساس انك وقفت جمبها في الحاډثه بتاعه زمان !!
_ ياااه يا نيره عاش من سمع صوتك ده احنا كنا مع بعض في نفس الجامعه ومكنتيش بتفكري ترمي السلام حتي
قالتها فرح بتهليل لتقول نيره
اخوكي اتقدملي ليه !
ظهر صمت عدده ثواني لتقول نيره بنفاذ صبر
انتي روحتي فين ! بقولك اخوكي اتقدملي ليه !! ويقبل ليه بواحده زي اصلا
_ لاني بحبك ومش قادر انساكي بقالي اربع سنين بحاول انساكي واطلعك من عقلي وقلبي بس معرفتش
حبيبتك من اول يوم وقعت عيني عليكي في البلكونه فاكره ! اما بخصوص سؤالك اقبل ليه بواحده زيك
ف انتي ست البنات يا نيره مش هكدب عليكي واقولك ان الي حصلك  لا انا قعدت كذه سنه في صراع مع نفسي بس في الاخر قولت في داهيه كل حاجه قصاد اني اقضي حياتي جمبك
وصل اليها صوته وهي تهمس بصوت باكي
انا منفعش اكون زوجه لحد انت عمرك ما هتنسي ولا الناس محدش هينسي صوري الي اتوزعت في الفرح ولا صور جسمي الي نزلت علي نت ولا
قاطعها وهو يقول
يتحرقوا الناس بجاز انتي معملتيش حاجه علشان حد يحاسبك عليها الي حصلك كان ڠصب عنك انتي ملكيش ذنب فيه
_ انا اسفه بس انا عمري ما هسامح حد اذاني زمان بكلمه او بفعل زي فادي وسليم
ثم تابعت بتنهيده
فادي وسليم اذوني بفعل ودول عمري ما هسامحهم وانت اذتني بكلمه لما عرفت جوازي من سليم ولما بعدت فرح عني ما هو مش معقول واحده كانت في اليوم تتصل عشرين مره بيا علشان ارد وفجاه تقطع خالص وتشوفني قدامها في الجامعه متكلمنيش
هتف مدافعآ عن نفسه
لا انتي الي بعدتي فرح عنك وبطلتي تردي عليها
_ وانت بعدتها اكتر خۏفت علي سمعه اختك
وكانها كانت تعيش معهم وتعلم ما حدث بينهما
ثم تابعت بجمود
جايز تكون شايفها حاجه بسيطه بس بنسبالي لا واي حد اذاني زمان عمري ما هغفرله طلبك مرفوض يا استاذ مازن مع السلامه
قالت جملتها الاخيره ثم انهت المكالمه لتقول فرح
وصلت ل ايه !
ليقول هو بحسره واضحه
رفضتني
يتبع اضغط على قراءة الجزء الثالث من القصة