مراد ونور الحلقه السادسه كامله بقلم الكاتبه ميمو صلاح
نور طبطبت عليها:
“متخافيش يا حبيبتي.. طول ما أنا جنبِك مفيش كلب يجرؤ يمس شعرة منك، ومراد ده…”
قبل ما تكمل جملتها، الباب اتفتح.. ودخلت “ميرا”!
كانت لابسة روب حرير أنيق جداً من بتاع القصر، وفاتحة شعرها ومجهزة صينية فطار فاخرة، وبصت لهم بابتسامة مستفزة وقالت:
“صباح الخير يا حلوين.. عملت لك شوربة دافية بإيديا يا حنين، الدكتورة قالت لي إنها بتمشيكي على رجليكي بسرعة.”
نور وقفت مرة واحدة وعينيها بتطق شرار:
“مين سمح لك تدخلي هنا أصلاً؟ والهدوم دي جبتيها منين يا هانم؟”
ميرا ضحكت بصوت واطي وبمنتهى البرود:
“تؤ تؤ تؤ.. مالك يا نور على الصبح؟ مراد حبيبي هو اللي قالي افتحي دولاب الضيوف وخدي اللي يعجبك.. وكمان اصطبح بوشي الصبح وهو نازل، مسكين أصلك سبتيه ونمتي ووشك متغلق! قالي (معلش يا ميرا اعذري نور، أصلها مش متعودة على العز والعصبية واكلاها شوية).. فقلت أجي أساعدك بدل ما تتعبي نفسك!”
نور حسّت إن عقلها اتطير منها.. مراد قالها كده؟! مراد اتكلم عليها مع العقربة دي؟!
الدم اتحدد في عروق نور، وهجمت على ميرا مسكتها من ياقت الروب بعنف:
“يا زبالة يا بنت الكلب! إنتي جاية تتسحبي هنا عشان تخربي بيننا؟!”
ميرا بمكر رمى الصينية من إيدها على الأرض.. الإطباق اتكسرت والشوربة اتدلقت بصوت عالي جداً!
وفي نفس اللحظة.. الباب اتفتح ودخل مراد!
مراد اتفاجأ بالمنظر، بص لنور اللي ماسكة ميرا وبتصرخ، وميرا اللي نزلت دموعها في ثانية وقالت بصوت يقطع القلب:
“أنا.. أنا كنت بس جايبة أكل لأختها.. هي هجمت عليا ضربتني ليه يا مراد؟!”
مراد بص لنور بصوت حاد وشارب:
“نور! سيبيها حالاً.. إيه اللي بتعمليه ده؟!”
نور بصت لمراد بصدمة وكسرة.. الدموع جمدت في عينيها وقالت بنبرة وجع حقيقية:
“صدقتها يا مراد؟ وزعقتلي أنا عشانها؟.. تمام أوي.. مبروك عليك القصر واللي فيه!”
نور زقت ميرا بعيد، وجريت بره الجناح وهي بتعيط بحرقة، ومراد وقف مكانه مشدوه ومش عارف يلحق مين ولا مين.. وميرا واقفة ورا ضهره بتبتسم بانتصار شيطاني!
يا ترى نور هتعمل إيه بعد الموقف ده؟ وهل هتسيب القصر وتمشي؟ ومراد هيعرف يوصل للحقائق ولا فخ ميرا هيقتله؟
”…. اثبـت وجـودك معانـا ب لايـك وتعليـق على الصـفـحة♥️ وتـابـع هنزل الحلقه السابعه بسرعه🎁👇”