اسرت عین صغیرتی ج 2 منه ایمن
سمر؛ عيشي حياتك بس لجوزك شعرك وجسمك دا محدش يشوفه غير جوزك حلالك في بيتك اعملي إلى انتي عاوزاه محدش هيعترض اما تنزلي الشارع تبقى نازله محترمه مش نازله صايعه
صوت قوي غاضب من وراهم
منصور؛ سمررر
التفو إلى الصوت وشاهي ركضت عند والدها اترمت في حضنه اتكلمت بدموع
بابا ماما بتقول اني صايعه ومس محترمه عاوزه تلبسني زي ميار وانا مش حابه البس كدا انا حابه لبسي وشخصيتي
منصور بيطبطب عليها ويهديها
اهدي ياحبيبتي محدش هيجبرك على حاجه طول مانا عايش
سمر بعصبيه
إلى بتعمله معاها دا ماينفعش دلعك الزايد ليها دا غلط لبسها وطريقتها غلط انت كدا بتخليها تكابر وتعند اكتر
منصور؛ خلاص كل واحد حر يعمل إلى بعمله انا مديهم حريه شخصيه وواثق فيهم كويس شاهي مس عاوزه تلبس زي ميار يبقى مش هتلبس محدش هيجبرها على حاجه
امسحي دموعك ياقلبي ماتخافيش اعملي إلى انتي عاوزاه محدش هيجبرك تعملي حاجه انتي مش عاوزاها
سمر؛ صدقني يامنصور هتندم على دلعك دا انت مبسوط من لبسها دا وتصرفاتها وسلوكها
منصور؛ مالها ياسمر انا مش عارف انتي عامله قلق ليه دي بنتي انا وانا أدر بمصلحتها دي بنتي الكبيره حبيبه قلبي دي إلى أول ماعيني شافتها وتعلقت بيها جدا انا مش هجبرها على حاجه
سمر؛ انت هتشلني يامنصور هتحاسب على عمايلك دي لأن كل راعي مسؤل عن رعيته وهتتحاسب عند ربنا حساب عسير
باااااااك
فاقت من شرودها على صوت زوجها
منصور؛ اي بقالي ساعه بنادي عليكي سرحانه في اي
سمر بضيق
سرحانه في عمايل بنتك شاهي
منصور؛ مالها حبيبه ابوها
انتفضت بعنف من الكرسي
انت لازم توقفلها يامنصور البت دي مبقاش يهمها حد دي هتمـ,ـوتني بنتك تصرفاتها زادت وبقت قليله الأدب بسببها خطوبه اختها كانت هتتفسخ لولا أن زيدان طلع متفاهم اي واحد مكانه كان زمانه خد اخوه ومشى
منصور؛ ممكن افهم انتي بتزعقي ليه دلوقتي موضوع وفات وانتهى على خير اي لازمه الكلام دا
سمر؛ فات اي انت مش مدرك الموقف أن بنت تضـ,ـرب راجل وسط الناس دي كلها لا وحضرتك معملتش حاجه غير كلمتين انتي غلطانه ياشاهي متتكررش تاني
منصور؛ بتهيالي أن حضرتك ضـ,ـربتيها قدام الناس ودا انا عديته ومحسبتكيش عليه
سمر بذهول مقارب للجنون
تحاسبني انا ازاي حاسب بنتك إلى غلطت قدام الناس لا وكمان مستكفتش دي حطت شطه في الأكل بتاع زيدان فوق يامنصور وفوقها الناس بتتكلم علينا
منصور بغضب؛ ناس مين انا مالي ومال الناس انا ليا بنتي وبس وانتي عاقبتيها خلاص خلصنا مش هفتح معاها تاني شاهي واعيه وانا واثق فيها كويس جدا ومش هتكرر غلطها
سمر؛ آخره الدلع دا مش حلو دلعها بس بحدود يامنصور اما كدا ماينفعش نهائي انت مش هتحس بكلامي دا غير لما ترجعلنا بمصيبه تكسرنا وتوجعنا ساعتها ابقى افتكر كلامي كويس
انا داخله اعمل الاكل
_^^^^^^^^^^^^^^^^^^^^^^^^