اسرت عین صغیرتی ج 2 منه ایمن
زيدان بغضب دي اول مره حد يقف قصاده لا وبنت كمان
عارفه لو مكنتيش بنت كنت عرفتك قيمتك حالا فالاحسن تعتذري
شاهي بعند؛ انت مغرور اووي فوق يابابا انا مبعتذرش لاني مغلطش
سامر؛ في اي ياجماعه
شاهي؛ المجنون دا يطلع برا القاعه وبعد كدا ياسامر ابقى اعزم ناس محترمين
صدم كل من سامر وميار وزيدان
هانته قدامهم زيدان المسيري إلى الكل بيخاف منه واحده هانته
زيدان بغضب دانتي ليلتك سودا معايا مين البنت الزباله دي
شاهي بغضب شديد من اهانتها
انا مش زباله ياحيوان
صوت صفعه قويه هزت إرجاء المكان و؛؛؛
الثانى
صدمه
ينظر لها بغضب يجز على أسنانه بغيظ كور قبضه يده مفاصله ابيضت وعروقه برزت ينظر لها بكل غضب اكنه أسد وهيهجم على فريسته شكله مخيف يرعب انتفض قلبها من مكانه لرؤيته هكذا هتمـ,ـوت لا محاله ليها
ميار بعصبيبه منها
انتي اتجننت ياشاهي دا اخو سامر الكبير انتي عملتي ايه
شاهي بعند شديد؛
هو اللي غ
بلعت باقي جملتها عندما نظر لها نظره حارقه اسكتتها على الفور
قرب منها وامسكها من زراعها بقوه لدرجه انها حست أن دراعها اتكسر همس باذنها كفحيح الأفاعي
قسما بالله لهعرفك مين زيدان المسيري وازاي تمدي ايدك عليه
اترعشت بين ايده من كلامه إلى دب الرعب في قلبها واتكلمت بصوت ضعيف مهزوز
ولا هتقدر تعمل حاجه
ترك ايدها ونظر ليها يتفحصها واتكلم باستهزاء
هنشوف
منصور؛ انا اسف يابني حقك عليا شاهي متعرفش انك اخو سامر وهيا علطول متسرعه انا اسف
زيدان بكل ثقه
انت مغلطش ياعمي إلى غلط هو الي يعتذر
منصور موجه كلامه لشاهي
شاهي اعتذري حالا ليه
شاهي بعند
لا يابابا انا مغلطش ومش هعتزر لحد عن اذنكم
سابتهم وماشيه اوقفها بصوته القوى
زيدان؛ سامر انا ماشي
سامر بحزن ترك ايد ميار ونظر لها واتكلم باسف
اسف ياميار بس اختك هانت اخويا ودا مش بس اخويا لا دا ابويا انا همشى معاه اسف
ميار بكت بنحيب مسكت ايده واتكلمت من بين شهقاتها
انا اسفه ياسامر متسبنيش انا بحبك انا هخلي شاهي تعتذرلك بس متسبنيش
راحت عند زيدان وكلمته انا بعتذرلك بالنيابه عن شاهي اسفه لو سمحت متخلهوش يسبني
زيدان مسك ايدها وراح عند سامر مسك ايده وحط ايدهم في ايد بعض ونظر لشقيقه واتكلم بحب شديد ليه
انا عارف انك بتحبني وتحترمني بس اوعي تكسر قلب حبيبتك وتخليها تفقد ثقتها فيك ميار بتحبك متاخدهاش بذنب اختها
سامر بس
زيدان مافيش بس انهارده خطوبتك على حبيبتك ولازم تتم و
قطع كلامهم صوت صفعه لفو مكان الصوت وكانت شاهي إلى خدت الصفعه
سمر بغضب وعصبيه من أفعالها إلى هتخرب جوازه اختها
القلم دا عشان تفوقي من الي انتي فيه انتي غلطي لما رفعتي ايدك عليه وانتي إلى غلطانه من الأول شوفتك لما خبطي فيه انتي الغلطان وهتعتذري والا صدقيني حسابك هيبقى معايا شديد