اسرت عین صغیرتی ج 2 منه ایمن
الاهل والأقارب يهنون ويباركون للعرسان
اتقدمت شاهي من اختها باركتلها وبارك لعريسها
وراحت وقفت مع صديقاتها
إحدى صديقاتها بانبهار
واوو ياشاهي شكله جميل جدا
شاهي بابتسامه
شكرا يامها
لابسه فستان كحلي مع ورد بيضاء صغيره بحمالات عريضه مقفول من ناحيه الصدر ونازل سك على جسمها مبين قوامها الممشوق فيه بسخاء مع تسريحه شعر سمبل وميكب رقيق كانت في غايه الجمال
دخل بطله ولا اروع خطف قلوب البنات الكل يتهامس على الأمير الفارس وهو لا يعيرهم انتباه
مها؛ يخربيت الجمال هو في كدا المز دا مصري ولا تركي
ساره بانبهار؛ لا لا مستحيل يكون حقيقي اي الجمال دا هو لو مسك ايدي وربنا لهيغمي عليا
شاهي؛ مالك يابت انتي وهيا اتلمو عييب إلى بتعملوه دا وانتي ياست ساره انتي مش متجوزه اتلمي
ساره وماله مايمنعش اني اكراش عليه ههههه دا من كوكب تاني
مها؛ انا مش متجوزه هروح اتعرف عليه وماشيه شاهي مسكتها انتي اتجننتي هتروحي فين
مها؛ والنبي ياشاهي سيبيني اتعرف عليه
شاهي بغضب من أفعالها
اتلمي يامها احسلك اترزعي هنا لغايه ماجي
شاهي ماشيه بتكلم نفسها من غيظها من صاحبتها
كتكم نيله عيال هبله قال موز والنبي مانتو نافعين غير في قله الادب وفجاءه خبطت في جسم صلب
ااه انت مش شايف يامجنون انت
زيدان تنح من جمالها واقف يتأمل ملامحها عيونها الزرقاء بلون البحر شفـ,ـايفها المزمومه وعنقها الأبيض فاق من شروده علي صوتها
انت ياستاذ يابشمهندس
زيدان بعصبيه بطلي لك كتير اعتذري
شاهي؛ نعم اعتذر ليه أن شاء الله
اولا لأنك خبطيني وغلطي فيا فلازم تعتذري
شاهي؛ انت مجنون مش شاهي المنصوري إلى تعتذر لواحد زيك
ماشيه بس هو جذبها بعنف من زراعها خبطت في صدره ونظر لعيونها
هيا اتوترت من قربه دا رفعت عيونها ونظرت ليه
فكان ووسيم للغايه يخربيتك اي الحلاوه دي انت مامتك كانت بترضعك زبادي لا دي قشطه
يالهوووي عليا هو بيبصلي كدا ليه شكله هيتحـ,ـرش بيا وهخلي وقعته سودا وبسرعه شديده رفعت رجليها وضـ,ـربته في رجله
زيدان بغضب؛ انت عملتي اي انتي عارفه انا مين
شاهي باستهزاء
يعني هتكون مين دراكولا زيك زي غيرك اوعي من سكتي عطلتني
ميار؛ شاهي بتخانق مع مين
سامر دا زيدان اخويا تعالى نشوفهم
راحو عندهم