الشيخ العشيق

عشيق مراتي كان كل يوم كان بيدخل بيتي بحجة إنه شيخ بيعالج مراتي من الجن العاشق لكن في يوم رجعت بدري وفتحت باب أوضة النوم، ولما شفتها في حضنه اكتشفت إن الجن ملوش أي علاقة بالموضوع! أنا اسمي محمود، وعندي أربعين سنة، ومتجوز من منى بقالنا سبع سنين، وعندي منها بنتين، الكبيرة اسمها ليان والصغيرة مريم، وكنت طول عمري شايف إن بيتي هو الحاجة الوحيدة اللي مهما حصل بره هافضل راجع لها وأنا مطمن. شغلي كان بياخد معظم يومي، وكنت بحاول أوفر لمراتي وبناتي كل اللي أقدر عليه، ومكنتش من النوع اللي بيحب المشاكل أو يفتش ورا مراته، بالعكس، كنت شايف إن الحياة الزوجية أساسها الثقة، وإن الراجل لما يبدأ يشك في مراته بيكون أول واحد بيهدم بيته بإيده. لكن منى اتغيرت فجأة من حوالي شهرين، والتغيير ده في الأول كان بسيط لدرجة إني حاولت أفسره بأي حاجة غير الحقيقة. بقت تصحى من النوم مڤزوعة، تقول إنها حاسة إن حد بينادي عليها وهي نايمة، وإنها ساعات بتفتح عينيها وتحس إن في حد واقف جنب السرير، وكانت تقول لي إنها بتحس بخنقة ودوخة وۏجع في صدرها من غير سبب واضح. سألتها أكتر من مرة لو في حاجة مضايقاها، لو حصل بينها وبين حد مشكلة، لو في حاجة في البيت مخوفاها، لكنها كانت دايمًا تقول لي مفيش، وإنها مش فاهمة نفسها. وفي مرة بالليل وأنا نايم جنبها، صحيت على صوتها وهي بتقول اسمي بصوت واطي، فتحت عيني لقيتها قاعدة على السرير وباصّة ناحية باب الأوضة. سألتها في إيه؟ قالت لي إن الباب كان مفتوح وهي متأكدة إنها قفلته، وإنها شافت خيال حد معدي قدام الباب. ضحكت وقلت لها يمكن نور العربية اللي في الشارع أو خيال من الشباك، لكنها قالت لي لأ، أنا شفته بوضوح. من ساعتها بدأ الخۏف يدخل حياتنا. أنا كنت بحاول أهون عليها، وأقول لها تقرأ قرآن قبل النوم وتنام بدري، لكن هي كانت مصرة إن اللي بيحصل لها مش طبيعي. وبعد كام يوم قالت لي إن واحدة صاحبتها قالت لها على شيخ بيعالج الحالات دي، وإنه متخصص في الرقية والعلاج من الحسد والمس والجن العاشق. بصراحة أنا مكنتش مقتنع، لكن طالما هي مقتنعة وإن الموضوع هيهديها، قلت لها ماشي، بس بشرط إني أكون موجود. ضحكت وقالت لي مفيش مشكلة. وبعد يومين جه أول مرة. كان اسمه سامح، راجل في منتصف الأربعينات تقريبًا، لابس جلابية بيضا، وشكله هادي جدًا، وطريقته في الكلام تخليك تحس إنه واثق من نفسه. قعد معايا في الصالة وقال لي إن الحالة محتاجة متابعة، وإن الأعراض اللي عند منى ممكن تكون بسبب ضغط نفسي أو حسد أو حاجة من النوع ده، وإنه هيقرأ عليها رقية شرعية، وإن الموضوع محتاج صبر. في أول مرة قعدت جنبهم، وفعلاً قرأ قرآن ودعا لها، وبعدها قال لي إن الأفضل إن منى تقعد معاه لوحدها عشان يقدر يسألها عن بعض التفاصيل من غير ما تتوتر. رفضت في الأول، لكنه قال لي إن وجودي ممكن يخليها تستحي من بعض الأسئلة، وإن ده ممكن يعطل العلاج. بصيت لمنى، لقيتها موافقة، فقلت خلاص، وقعدت في الصالة. بعد حوالي نص ساعة خرج وقال لي إنها محتاجة جلسات يومية في البداية. ومن هنا بدأ سامح يدخل بيتنا كل يوم تقريبًا. في أول أسبوع الموضوع كان