بعد الطلاق
ومكنش كسوف
كان خوف
خوف واضح وصريح
خوف خلّى جسمي يبرد مرة واحدة
بص ناحية الشباك
وبعدين بص ناحية الباب
كأنه مستني حد يكون بيراقبنا
قالي انا اخترت الاختيار اللي كان لازم اختاره
رده ده لغبطني اكتر
قلتله انت قصدك ايه
ملامحه بقت جد مرة واحدة
فضل ساكت لحظات طويلة مقالش اي حاجة
وبعدين من غير مقدمات قام بسرعة لدرجة ان الكرسي عمل صوت جامد في الارض
كام زبون قاعدين بصولنا
قلبي دق بسرعة
قلتله مالك فيه ايه
بصلي من فوق
واللي قاله بعدها خلاني مش قادرة انطق
قالي كلمي اهلك
بصتله
قلتله قصدك ايه
وشه كان فيه ندم وتحذير واضح ميتوهش
قالي انا ضيعت كل حاجة بسببك
لحظتها كل حاجة حواليا بقت مش حقيقية
قلتله انت بتقول ايه
بس هو كان بدأ يمشي خلاص
وبعدين سابني مع اخر جملة
جملة هفضل فاكراها وقت طويل بعد ما اليوم ده خلص
قالي انا عملت كل حاجة عشان احميكي
قبل ما اسأله تاني كان خرج من الكافيه واختفى وسط الناس اللي ماشية في الشارع
فضلت قاعدة ببص على الكرسي الفاضي اللي كان قاعد عليه
بحاول
اتخيل اهلي ممكن يكونوا مخبيين عني ايه
وليه الراجل اللي كنت بحبه زمان كان شايف انه لازم يضيع كل حاجة عشان يحافظ على سلامتي
بعد ما اخدته الفندق وجبته هدوم جديدة وخليته يحلق دقنه ويستحمى انا كنت فاكرة ان الموضوع خلص على كده اني انقذته وخلاص بس الحقيقة ان ده كان بداية ۏجع اكبر بكتير
تاني يوم الصبح وانا نازلة رايحة شغلي لقيت تليفوني بيرن اخويا
مردتش اول مرة
رن تاني
تالت مرة رديت وانا متعصبة
قاللي انتي فين
قلتله في شغلي
قاللي بابا تعبان جدا من امبارح من ساعة ما مشيتي وهو ضغطه عالي ومش راضي ياكل وبيقول انك فضحتينا
قلتله انا مفضحتش حد انتو اللي فضحتوا نفسكم لما هددتوا راجل بريء ودمرتوا حياته
قاللي انتي اټجننتي بجد انتي ناسية هو عمل فيكي ايه ده كان بيهملك وكان عصبي عليكي
قلتله حتى لو كان عصبي ده مش مبرر انكم تلبسوه تهمة تحرش وتقطعوا عيشه وتخلوه ينام في ملجأ ويلم كانزات من الژبالة انتو مش ربنا عشان تحاسبوه انتو كنتوا تقدروا تخلوني اتطلق من غير ما تدمروا حياته
قفل السكة في وشي
روحت الشغل
وانا دماغي مش معايا خالص طول اليوم وانا قاعدة بفكر يا ترى انا صح ولا غلط يا ترى انا المفروض اسامح اهلي عشان هما اهلي ولا المفروض اقف جنب الراجل اللي ضحى بكل حاجة عشاني
الظهر لقيت طليقي بيكلمني من رقم غريب
قاللي انا مشيت من الفندق
اټخضيت قلتله مشيت رحت فين
قاللي رجعت الملجأ تاني
قلتله ليه انت اټجننت انا حجزتلك الاوضة اسبوع
قاللي انا مقدرش اقعد في مكان غالي كده وانتي اللي تدفعي انا حاسس اني تقيل عليكي
قلتله تقيل ايه انت لو قعدت عمرك كله انا اللي مدينة ليك مش انت
قاللي لا انا هرجع الملجأ لحد ما اعرف هعمل ايه
قفلت معاه وسبت الشغل وجريت على الملجأ ده مكان شكله يقطع القلب ريحة وحشة وناس نايمة على الارض وبطاطين مقطعة
لقيته قاعد في ركن لوحده ماسك كتاب تاريخ قديم بيقرا فيه
اول ما شافني اتكسف وقام
قلتله انت بتعمل ايه هنا تاني انت مش قلتلي هتبدأ من جديد
قاللي منا بحاول ابدأ من جديد بس مش هعرف ابدأ وانا حاسس اني بشحت منك انا طول عمري بشتغل وبكسب من عرق جبيني عمري ما اخدت جنيه من حد
قلتله طب
ما انا هساعدك ترجع شغلك
قاللي ازاي
قلتله كلمت مدير المدرسة القديمة بتاعتك وهو قال انه عارف انك مظلوم وانه مستعد يرجعك
وشه نور فجأة كأني اديته الدنيا كلها
قاللي بجد قال كده
قلتله