بعد الطلاق
اه والله وقال انه مستنيك تروحله بكرة
قاللي بس انا هدومي مقطعة وشكلي مبهدل
قلتله ما انا جبتلك هدوم جديدة امبارح البسها وروح
قاللي طب افرضي اهلك عرفوا وراحوا للمدرسة تاني وهددوه زي ما هددوني
قلتله المرة دي انا هبقى معاك ومش هخلي حد يأذيك تاني ولو اهلي عملوا كده انا اللي هقف قدامهم وهبلغ عنهم انا نفسي
تاني يوم رحنا سوا المدرسة وانا داخلة معاه من الباب حسيت ان كل المدرسين بيبصولنا باستغراب
المدير اول ما شافه قام من على المكتب وخده بالحضن وقاله حمد الله على السلامة يا ابني احنا ظلمناك
طليقي عيط ساعتها عيط زي العيال الصغيرة وقاله انا عمري ما عملت حاجة وحشة انا كنت بحب الطلبة بتوعي زي ولادي
المدير قاله انا عارف والله انا عارف من اول يوم بس اهل مراتك كانوا ناس واصلة وخفت اعمل مشاكل للمدرسة بس دلوقتي خلاص تعالى ارجع مكانك محفوظ
ومضى معاه عقد جديد بنفس المرتب بتاعه زمان وزيادة كمان
طلعنا من المدرسة وهو طاير من الفرحة وقاللي انا مش مصدق اني هرجع اقف في فصل تاني واشرح تاريخ تاني
قلتله انت تستاهل اكتر من كده
بس الفرحة مكملتش كتير
وانا مروحة البيت لقيت جوزي الحالي مستنيني في الصالة ووشه مقلوب
قاللي كنتي فين طول النهار
قلتله في مشوار
قاللي مشوار فين مع طليقك صح
اټصدمت قلتله عرفت منين
قاللي اخوكي كلمني وحكالي كل حاجة قاللي انك سايبة بيتك وعيالك وقاعدة بتلفي مع طليقك
قلتله انا مش بلف مع حد انا بساعده يرجع حياته بعد ما اهلي دمروها
قاللي وانا مالي وماله ده طليقك خلاص انتهينا منه من تلات سنين انتي عايزة ترجعيله ولا ايه
قلتله لا انا مش عايزة ارجعله انا بس مش قادرة اشوفه مرمي في الشارع واسكت ده بني ادم واتظلم بسببي
قاللي وانا بقى المفروض اقبل ان مراتي تفضل رايحة جاية مع طليقها في المدارس والفنادق
قلتله انا مطلبتش منك تقبل انا بعمل الصح
قاللي الصح من وجهة نظرك انتي بس انا بقولك لو فضلتي ماشية في السكة دي يبقى كل واحد يروح لحاله
ساعتها سكت مقدرتش ارد كنت محتارة بين نارين بين راجل ضحى بكل حاجة عشاني واترمى في الشارع وبين بيتي وعيالي اللي ممكن يتخرب
دخلت اوضة العيال لقيتهم نايمين حضنتهم وقعدت اعيط جنبهم
تاني يوم الصبح طليقي بعتلي رسالة قاللي متجيش المدرسة تاني ولا تساعديني تاني انا مش عايز اخرب بيتك انا اتعودت اتأذي لوحدي مش عايز حد يتأذي بسببي تاني
الرسالة دي وجعتني اكتر من اي حاجة
حسيت انه تاني مرة بيضحي عشاني تاني مرة بيقولّي ابعدي عني عشان متتأذيش
بس المرة دي انا مرضتش اسمع كلامه
رحت للمحامي اللي كنت كلمته وحكيتله كل حاجة من الاول للاخر والمحامي قالي احنا نقدر نرفع قضية على اهلك پتهمة التشهير والټهديد والابتزاز ونقدر نرجع لطليقك كل حقوقه وكمان نطلب تعويض كبير يبدأ بيه حياته
قلتله طب لو رفعنا القضية دي اهلي هيتسجنوا
قاللي ممكن ياخدوا حكم مع ايقاف التنفيذ عشان اول مرة بس هيبقى درس ليهم
فكرت كتير قوي تلات ايام مش بنام
وفي الاخر قررت اني مش هرفع قضية على اهلي مهما عملوا دول في الاول وفي الاخر اهلي اللي ربوني وانا مقدرش اسجنهم بس في نفس الوقت قررت اني مش هسيب طليقي
رحت لاهلي تاني وقلتلهم بصوا انا مش هسجنكم ولا هعملكم مشاكل بس انتو لازم تصلحوا اللي كسرتوه
بابا قاللي نصلح ايه
قلتله تروحوا المدرسة وتقولوا للمدير انكم كذبتوا وان الراجل ده بريء وتكتبوا اعتذار رسمي وتدفعوله تعويض