لقيت جوزي مع مرات اخويا

​الصدمة الأولى: السرقة الكبرى

​سحبت ملف أسود ضخم مكتوب عليه “مشروع كابيتال”. فتحته، ولقيت عقود تأسيس لشركة وهمية (Shell Company) متسجلة في جزر الكايمان باسم كريم وسما!

بدأت أقرأ الأوراق… كريم كان بيسحب سيولة الشركة بتاعتنا تدريجيًا على مدار السنتين اللي فاتوا، وبيحولها للشركة الوهمية دي تحت بند “استشارات هندسية وتوريدات خارجية”. المبالغ كانت مرعبة… ملايين الدولارات اتسحبت من لحم الشركة.

​لكن الكارثة الأكبر كانت في الورقة اللي بعدها: عقد بيع وتنازل!

كريم كان مزور توقيعي وتوقيع أخويا أحمد، ومجهز عقود لنقل ملكية أهم مصانعنا للشركة الوهمية دي. وكان مقرر يفعل العقود دي بعد أسبوع واحد بس! كان بيخطط يعلن إفلاس “رجب جلوبال”، يورط أحمد في قضايا شيكات بدون رصيد واختلاس لأن أحمد هو رئيس مجلس الإدارة الصوري، ويهرب هو وسما برة مصر بالفلوس وبكل حاجة، ويسيبوني أنا وأخويا في السجن!

​قعدت على الكرسي وأنا حاسة إن الأكسجين بيتسحب من الأوضة. كريم مكنش بيخوني بس… كريم كان بيخطط ينهي وجودي أنا وعيلتي من الدنيا.

​الصدمة الثانية: ج/ريمة الدم

​وأنا بقلب في الخزنة، لقيت ظرف طبي أبيض مقفول ومكتوب عليه اسم دكتور “هشام الشاذلي”.

دكتور هشام ده هو دكتور النسا اللي كنت بتابع معاه بقالي 4 سنين عشان حلم الإنجاب. 4 سنين من الحقن المجهري، والأدوية، والعمليات، والدموع… 4 سنين وكريم بياخدني في حضنه ويمسح دموعي لما التحاليل تطلع سلبية ويقولي: “فداكي ألف عيل يا سابرين، أنا مش عايز من الدنيا غيرك.”

​فتحت الظرف وإيدي بتترعش زي ورقة شجر في عاصفة.

لقيت إيصالات تحويلات بنكية شهرية من حساب كريم السري لحساب الدكتور هشام بمبالغ ضخمة. ولقيت تقرير طبي سري بخط إيد الدكتور، مكتوب فيه:

“بناءً على طلب السيد/ كريم، تم الاستمرار في حقن المدام سابرين بجرعات مكثفة من العقار المُتفق عليه لضمان عدم حدوث تبويض نهائيًا، مع إيهامها بوجود خلل جيني يمنع الحمل. الرجاء التوقف عن الجرعة فورًا إذا لوحظت أي مضاعفات خطيرة على الكبد.”

​الورقة وقعت من إيدي.

حسيت كأن س/كينة باردة اخترقت قلبي وطلعت من ضهري.

أنا مكنتش عقيمة… أنا مكنش عندي مشكلة… كريم هو اللي كان بيدفع فلوس للدكتور عشان يحرمني من الأمومة! ليه؟!