في يوم الجنازه حكايات صافي
لو الفيديو ده اتفتح يبقى للأسف توقعي طلع صح
عارف إن في ناس من عيلتي هتحاول تظلم هبة وعمر
وعشان كده أنا عملت حاجة محدش يعرفها
كل أملاكي اتقسمت من زمان
والأرض والبيت اتنقلوا قانونيا
بس مش باسم هبة
ولا باسم أحمد
سكت ثانية
وبعدين قال
اتنقلوا باسم شخص محدش فيكم هيتوقعه
بصينا كلنا للشاشة
وقبل ما يقول الاسم
انقطع الفيديو فجأة
المحامي اتخض
وقال
مستحيل
الفيديو كان كامل
بص أحمد للفلاشة
لقاها متكسرة من الجنب كأن حد لعب فيها قبل ما توصلنا
وفي نفس اللحظة رن تليفون المحامي
رد بسرعة
وسكت وهو بيسمع
بعدها بص لنا وقال
للأسف
في حد دخل مكتبي النهارده قبل ما أجيب الظرف
والخزنة اتفتحت
واضح إنهم كانوا بيدوروا على نفس الحقيقة اللي إحنا بندور عليها
لكن في حاجة واحدة لسه منجت
نسخة أصلية من الوصية موجودة في مكان تاني
ولو وصلولها قبلنا
مش هنعرف نثبت حق عمر أبدًا.تاني يوم الصبح خرجنا أنا وأحمد مع المحامي وعمي سعيد
سيبنا عمر عند جارنا الحاج رمضان عشان مايتعرضش لأي ضغط
طول الطريق أحمد ماكانش بيتكلم
كان حاسس بالذنب
وأنا كنت بفكر في حاجة واحدة
مين الشخص اللي بعت الرسالة لندى
وليه مستعد يعمل كل ده عشان أرض
وصلنا للمكتب اللي المفروض فيه النسخة الأصلية
لكن أول ما دخلنا لقينا الباب مكسور
والدولاب الحديد مفتوح
المحامي جري وهو بيقول
يا رب تكون لسه موجودة
فضل يقلب في الملفات بسرعة
وبعدين ابتسم وقال
الحمد لله
لسه مكانها
مد إيده يطلع الملف
لكن اتفاجئ إن اللي جواه مجرد ورق أبيض
وقف مكانه وهو مش مستوعب
وقال
الوصية اتبدلت
في حد سبقنا
عمي سعيد قال
يعني خلاص
المحامي هز راسه
وقال
لا
اللي سرقها مايعرفش إن المرحوم كان عامل نسخة تالتة
أنا بصيتله بسرعة
وقلت
فين
قال
في البنك
داخل خزنة باسمه