خيـ.ـانه زوجي حكايات من الواقع
“محمود! إياك تديهولها! أنت بتخرب بيتنا بإيدك؟! الورق ده مفهوش حاجة.. دي أسرار شغل، إنت هتودي نفسك في داهية!”
لكن محمود، رغم كسور ساقه والجبيرة البيضاء الضخمة التي تلفها ورغم اتكائه على عكازين، رفع عكازه الحديدي بحركة حاسمة صلبة سدت طريقها تماماً، وصاح فيها بصوت زلزل الممر:
“اخرسي يا خاينة! بيتنا؟! هو أنتي خليتي بيت عشان نخاف نخربه؟! أنتي خليتي شرف ولا أصل ولا دين؟! بيتنا اتخرب يوم ما دخلتي سرير راجل غيري وبعتي كرامتك بشوية هدوم وماركات رخيصة! ابعدي عن وشي قبل ما أدفنك هنا!”
الممرضتان والأمن تدخلوا فوراً وأمسكوا بشيرين التي كانت تنتفض كذبيحة مذعورة، تحاول الإفلات وهي تبكي وتتوعد.
أنا لم أرمش. أخذت الظرف من يد محمود بأصابع ثابتة، باردة كالثلج. كان الظرف مختوماً بختم بنكي رسمي، وثقيلاً بأوراق مصيرية. نظرت لمحمود نظرة امتنان عميقة، وسألته بهدوء تام:
“ممكن ندخل أوضتك نتكلم يا أستاذ محمود؟”
أومأ برأسه بتعب ووجع يقطع نياط القلب: “اتفضلي يا مدام ليلى.. آن الأوان للستارة تترفع عن القذارة دي كلها.”
دخلنا غرفة المستشفى وأغلقت الباب بالمفتاح، بينما بقيت شيرين في الخارج تصرخ تحت قبضة الأمن.
جلس محمود على طرف السرير متألماً، ونظر إليّ بعينين غائرتين أحرقهما السهر والبكاء، وقال بصوت متحشرج:
“أنا راجل مهندس شبكات وبرمجيات يا مدام ليلى.. شيرين كانت فكراني مغفل بيقضي يومه قدام الشاشات ومبيفهمش في لف ودوران الدنيا. كنت بصحى من الفجر عشان أوفرلها كل قرش تطلبه، جهزت شقتنا بأقساط قطمت ضهري، وسكت لما كانت تتأخر في الشركة وتقولي ‘طارق بيه عامل اجتماع استثماري ولازم أكتب المحاضر’.. كنت أقول لنفسي دي بتكافح عشان تساعدني!”
سكت محمود ومسح دمعة حارقة هربت من عينه، ثم أشار إلى الظرف:
“لما الطرد وصلني إمبارح.. وفتحت الورقة والهدوم.. الدنيا اسودت في عيني. كنت هقتلها! لما واجهتها وحصلت الخناقة وهربت مني واتكعبلت أنا على السلم، أهلي نقلووني هنا.. ولما روحت في البنج ورجعت فوقت، مكنتش قادر أصدق إنها تعمل كده لمجرد الخيانة الجسدية. شيرين طماعة، شيرين متبعتش نفسها عشان مجرد إعجاب! طلبت من أخويا ينزل يجيبلي شنطة إيدها واللاب توب بتاعها اللي نسيته في الصالة.. كنت بدور على شات، على صور.. بس اللي لقيته جوة الفايل السري المشفر في اللاب توب والظرف ده، خلاني أنسى كسر رجلي من هول الصدمة!”