طبخت 7 كيلوا لحمه
ضربت رقم المحامي بتاعي على السبيكر قدامهم، وقلت له:
— أستاذ عصام… معايا عقد مزور وتوكيل رسمي مزور تم إعدادهم للاستيلاء على شقتي وإثبات ديون وهمية عليّا. المحاضر والقضايا تترفع فوراً، ومعايا شهود والأوراق الأصلية في إيدي.
وش أحمد اتقلب وسعاد صرخت:
— قضايا إيه يا مفترية؟! ده جوزك وحبيبك!
رديت عليها بصوت زي الحديد:
— جوزي اللي خان الأمانة ومسح بيا الأرض عشانك وعشان بنتك، مالوش مكان هنا.
لتفت لأحمد وقلت له:
— قدامك بالضبط عشر دقايق. تاخد أمتعتك، وتلم هدوم أمك، وتخرجوا بره الباب ده. ولو رجلكم عتبت العمارة تاني، المحضر هيكون بتهمة التزوير والشروع في النصب وهتبيتوا في النيابة النهاردة.
أحمد بص لأمه بغضب مكتوم وقال لها:
— عاجبك كده؟! أديكي ضيعتي كل حاجة!
سعاد فضلت تصرخ وتدعي عليّا وهي بتلم شنطتها بسرعة، وأحمد واقف مش قادر يبص في عيني، مكسور ومهزوم بعد ما اكتشفت السر اللي كانوا مأجلين إعلانه لحد ما يقفلوا اللعبة.
قبل ما يخرجوا من الباب، سعاد بصتلي بغل وقالت:
— فاكرة إنك كسبتي؟ نجلاء مش هتسيبك، وأحمد مش هيطلقك بسهولة، وهنشوف مين اللي يضحك في الآخر!
قفلت الباب في وشهم بالقفل والمفتاح.
أمي أخدتني في حضنها وليان بنتي جرت عليا ومسكت في رجلي. بكيّت… مش عشان أحمد ولا عشان الشقة، لكن عشان السنين اللي ضاعت وأنا فاكرة إن الخلاف كان مجرد “حلة لحمة”، في حين إن المعركة الحقيقية كانت على حياتي ومستقبلي ومستقبل بنتي.
بس الليلة دي كانت مجرد بداية الحروب… لأن نجلاء وأخوها ما كانوش ناويين يستسلموا بالسهولة دي.
مقالات ذات صلة
حكايات نور محمد
منذ 3 ساعات
طبخت ٧ كيلو ونص لحمة3
منذ 4 ساعات
طبخت ٧ كيلو ونص لحمة 2
منذ 4 ساعات
اتقدملي عريس2
منذ 14 ساعة
#الكاتب_رومانى_مكرم
الجزء الثالث
سكت الباب وراهم، ورجّت الصدمة أركان الشقة اللي بقت فجأة فاضية وساكتة بشكل يرعب. أمي أخدت ليان في حضنها وغطتها، والبنت من كتر الخوف والتوتر راحت في النوم على الكنبة وهي ماسكة عروستها.
جلسنا أنا وأمي على السفيرة، والأوراق المزورة مفروشة قدامنا تحت نور الصالة. أمي طبطبت على إيدي وقالتلي بصوت حازم:
— ندى… اللي حصل النهاردة مش نهاية المطاف، دول أفعى ومجروحين، وسعاد ونجلاء مش هيسيبوكي في حالك بعد ما خطتهم اتكشفت وسرهم بؤست.