طبخت 7 كيلوا لحمه
مقالات ذات صلة
حكايات نور محمد
منذ 3 ساعات
طبخت ٧ كيلو ونص لحمة3
منذ 4 ساعات
طبخت ٧ كيلو ونص لحمة 1
منذ 4 ساعات
اتقدملي عريس2
منذ 14 ساعة
أمي أخدت ليان ودخلتها الأوضة تطمنها، ورجعتلي وهي شايلة كباية مية. إيدها كانت لسه بترتعش، بس عينيها كان فيها نظرة قوة عمرها ما ظهرت قبل كده.
— ندى… إنتِ فاكرة إنهم هيسكتوا؟ سعاد ونجلاء دماغهم سم، وأحمد ذيل مالوش رأي. طالما التهديد بالبوليس والتزوير ما جابش نتيجة، هيتدوروا على الحتة اللي توجعك بجد.
بصيت لأمي وسألتها:
— هيوجعوني في إيه يا أمي؟ الشقة وبقت باسمي ومعايا أوراقها، والتزوير أترفع بيه بلاغ للنيابة، وأحمد أثبت إنه ما يتبكيش عليه. فيه إيه تاني ممكن ياخدوه مني؟
أمي بصت لي بأسى وقالت بصوت واطي:
— ليان… بنتك.
الكلمة نزل عليّا زي الصاعقة. جسمي كله اتصلّب.
— ليان؟ أحمد يقدر يعمل إيه بليان؟ ده ما بيصرفش عليها جنيه من يوم ما اتولدت! ده أمه كانت بتاخد الهدوم اللي بشتريها للبنت وتديها لعيال نجلاء!
— القانون يا ندى… القانون أوقات بيبقى سيف في إيد اللي ما يرحمش لو عرفوا يلعبوا بيه. أحمد أبوه عايش وعنده علاقات، ونجلاء جوزها القديم شغال في المحاماة وأكيد هو اللي شار عليهم بلعبة التزوير دي. هيحاولوا يلعبوا على ضم القضايا أو يرفعوا عليكِ دعوى إسقاط حضانة أو إنك غير أمينة على البنت عشان رميتي الأكل وعملتي مشكلة!
ما لحقتش أستوعب كلام أمي، لحد ما التليفون رن. المرة دي ما كانش أحمد، ولا نجلاء… كان الأستاذ عصام المحامي.
رديت بسرعة والسماعة على أذني:
— ألو… أستاذ عصام؟ فيه جديد في البلاغ؟
صوت الأستاذ عصام كان جاد جداً وفيه نبرة قلق:
— مدام ندى… للأسف أحمد ومحاميه سبقونا بخطوة خبيثة جداً. أحمد راح يعمل محضر إثبات حالة في القسم، وبيقول فيه إنك طردتيه من بيت الزوجية، وإنك غير متزنة نفسياً، وأرفق بالمحضر شهادة طبية من مستشفى خاص بتقول إنك بتعاني من نوبات غضب وحالة نفسية غير مستقرة وبتهددي حياة البنت!
الدم اتجمد في عروقي. مسكت حرف الترابيزة عشان ما أقعش.
— شهادة طبية؟! منين؟! أنا عمر رجلي ما عتبت مستشفى نفساني! ده تزوير تاني يا أستاذ عصام!
— أنا عارف إنه تزوير يا مدام ندى، بس الهدف من المحضر ده مش الشقة… الهدف منه إنهم يرفعوا دعوى رؤية مستعجلة، أو يطالبوا بحضانة مؤقتة للبنت للضغط عليكِ عشان تتنازلي عن بلاغ التزوير وعن الشقة! هم بيلعبوا على أوراق الضغط، وعارفين إن ليان هي نقطة ضعفك الوحيدة.
